Parpalhonadas

Lo mot deu President

 

Bon, aqueste còp que l’avem hèit eth siti, un vertadièr siti, acabat e tot (aqueth), pas gaire complicat…eficaç…com nosautis que…
Parpalhon que’s hica ara «còm». « Ath cap de tantas annadas que se n’aneré temps !» se diseràn quauques arroganhaires…
Entà dançar e cantar, qu’ei Parpalhon qui’v cau ! Diu Vivant ! Quin eslogàn !... Athèu que l’avètz, era "còm" !

Qu'aimam...

Un drin tròp : Eth Jurançon, eth Granh d'Amor...


Ensenhats per quauques poblants de Cuqueron ara degustacion perloncada deth petit Manseng enas nostas arrepegustativas, que deviem especialistas deths grans, d'aqueth béver saborós . Eth Gran Amor deras vits deth Brulhés, eth, que ns aboquè enas nostas neits dunescas ahuecadas. N'ei james autan bon qu'acompanhat deth mei-cueeit de « Fernand et Odile ».


Hèra : Era canta pirenenca


Eras arradics nostas, eth plaser tanben noste, eth gòi de tornà's trobar ad entorn d'aon se volhe...entà canta-la-se dinc au còr dera neit, dinc au cap deras nostas votz.


Dab passion : era musica gascona


Qu'ei plan aquiu...! Desconeguda deth gran public, qu'ei portada per talents deths beròis reaus qui l'an sabuda sauvar deth desbromb e arreviscolar. Un gran merces tad eths, que s'arreconeisheran...


Ara holia : era lenca nosta ( occitana, gascona, bigordana...)


Eth motor deth grope : que ns'amassa, que nse hè caminar, que la nse cau deféner quan la preferarim tot simplament parlar, que nse cau sortir eras urpas quan la volerim bailinar.

Pas tròp gaire : era dòba


Aperet aths braves organisators : hartèra de dòba!... qu'ei beth tròç mes aisit d'aubrir un pòt de hitge gràs!


Brica : eth jacobinisme


Era beròja lenca francesa embarrada en magre emplèc d'unificatora deth Estat quan er'arriquessa e era diversitat culturau deths nostes país de França non demandan sonqu'a existir. Ua filosofia deras simplòta e escananta.